Malipayong Bag-ong Tuig Kaninyong Tanan!
Ang bulan sa “January” gikan sa ngalan nga JANUS - usa ka dyos-dyos sa Romanhong Metolohiya o Roman Methology. Si Janus inila isip “the god of gates” or “god of beginnings.” Aduna kini siya’y distinct nga feature sa iyang strukturang pisikal, tungod kay aduna siya’y duha ka nawong, facing opposite sides. Ang usa ka dagway nagatubang sa unahan, samtang ang usa ka dagway nagatubang sa likod.
Maoy hinungdan nga gipili ang Buwan sa “January” nga maoy sinugdanang buwan sa tuig, dili lang tungod kay si Janus, “god of the beginnings”, kung dili tungod sa iyang distinct feature. Kita gihatagan og kahigayonan sa pag-sul-ob niining duha ka dagway ni Janus, diin kita gitawag sa pagpamalandong unsa ang nahitabo sa niaging tuig,, “looking back at our past” og sa paglantaw sa umabot nga mga adlaw niining bag-ong panahon,, looking forward at our future.
Ang tuig 2010 natapos na. Apan wala kini magpasabot nga ato ng ilubong sa kalimot ang maong tuig, hinonoa, himoon natong sumbanan ang milabay’ng tuig alang niining bag-ong tuig 2011.
Si former UN Secretary General Dag Hammarskjold nagkanayon, sa matag bag-ong tuig duha ka pulong ang angay natong hinuklugan. Miingon siya: For all that had been, THANKS; and for all that will be, YES. Sa mga nangagi og nanglabay na nga mga kasinatian – Thanks,, ug para sa mga umaabot pa nga mga panghitabo – Yes!
Duha ka simpleng mga pulong apan puno sa kahulogan. Thanks and Yes.
Mga binati kong mga kaigsoon ang milabay’ng tuig 2010 puno kini sa mga nagkadaiyang hulagway sa atong mga kasinatian. Dili nato malikayan nga milabay’ng tuig dili perpekto.
Sa mga maayo ug dili maayong mga panghitabo sa atong kinabuhi, salamat!
Sa mga kalampusan nga atong nahiaguman ug mga kapakyasan nga atong nasinati, salamat.
Sa mga matam-is nga mga pahiyom nga atong nadawat ug sa mga mapait nga mga libak sa atong mga silingan nga atong nadungog, salamat.
Sa mga maanindot nga mga panghitabo sa atong pamilya ug sa mga dili maanindot nga mga panghitabo sa atong katilingbang politikal, salamat.
Angay ug matarong lamang nga kita magpasalamat human sa atong nagkadaiyang mga kasinatian, nindot o dili nindot, maayo o dili mayo, tam-is o pait tungod kay kita aduna pay kinabuhi. Please be reminded that the important things in life are not things but life itself.
Ang mga mahinungdanong mga butang sa kinabuhi dili butang, kundili kinabuhi. Mao’y hinungdan nga sa milabay’ng tuig 2010 kita moingon salamat tungod may kinabuhi.
Mao nga kitang tanan moingon,, SALAMAT sa Diyos,, atong ingnon ang atong tupad,, salamat kanimo…
Ang ikaduhang punto nga atong pamalandungan niining pagsugat nato sa bag-ong tuig, mao ang pulong YES.
Mga binati kong mga kaigsoonan, likod niining pagsaulog nato agi’g pagsugat sa bag-ong tuig, ang atong simbahan usab nagpasidungog karong adlawa kang MARIA: Inahan sa Diyos. The Solemnity of the Motherhood of Mary o Pagka-inahan ni Maria sa Diyos. Atong hinumduman nga ang atong kaluwasan nahitabo human sa tando sa mahal nga Birhen. The YES of Mary made our salvation possible.
Nahimong posible, nahimong aktuwal ang kaluwasan tungod sa YES ni Maria. The Fiat of Mary.
Mao nga atong pamalandunag unsa man ang kahulugan niining YES sa Mahal nga Birhen diri sa atong kinabuhi.
1.) Ang letrang ‘Y’ sa ato pa – Y – yearning for God.
Ang mahal nga Birhen Maria, diha sa atong gibasang ebanghelyo, human niya makita ug madungog ang mensahe sa mga magbalantay sa karnero, iya kining gitipigan og gipamalandungan diha sa iyang kasing-kasing. Karakter sa mahal nga Birhen ang pagka-mapamalandungon. Mao nga sa matag lihok sa Diyos sa iyang kinabuhi, iya kining gipangitaan og kahulugan.
Mga binati kong mga kaigsoonan, sama ni Maria, kita nangita ba sa Diyos. Sama ni Maria, ato bang gipamalandungan ang mga lihok sa Diyos diha sa atong kinabuhi? Yearning for God, niining bag-ong tuig, ang atong hagit ang pagpangita sa Diyos sa atong tagsa-tagsa ka mga kinabuhi.
2.) Ikaduha, ang letrang “E” sa ato pa – E – Entrusting to God.
Sa kinabuhi sa mahal nga Birhen Maria, wala siya masayod sa mamahimong dangatan niining batang iyang gisabak. Wala siya masayod unsa ang mamahimong kaugmaon niining maong bata. Apan wala siya magduha-duha sa pagsalig sa Diyos.
Sa atong kinabuhi, kasagaran kita napuno sa paghuna-huna alang sa atong seguridad. We are pre-occupied of so many things for our security that we forget to trust in God. Daghang kita’g gipanghuna-huna alang sa atong seguridad tungod niini nakalimot kita sa pagsalig sa Diyos. Usa kini ka sala. Ang pagkawalay pagsalig sa Diyos.
We are projecting that by 2020, ang atong population mokabat na sa 120 million,, we have to secure our future, ang atong solusyon, ipasa ang RH Bill, i-legalize ang paggamit sa contraception. Mga binati kong mga kaigsoonan, this is not our business, this is the business of God. Let us allow God to be God to us. Trust in the Lord,, salig sa Diyos.
3.) Ikatulo og katapusang punto ang letrang “S” sa ato pa –S- service to God.
Ang kahingpitan niining atong pagpangita ug pagsalig sa Diyos makaplagan lamang nato kini diha sa atong pagserbisyo o pag-alagad sa uban. Ang pagpangita sa Diyos dinha sa atong kinabuhi walay kahulugan kung kita dili moalagad sa atong isig ka tawo.
Our yearning for God is useless, if we don’t serve others. Dugang pa niini, ang atong pagsalig sa Diyos dili hingpit kung walay luna sa atong mga kasing-kasing ang pagsilbi sa uban.
Service is an expression of love. Kung tinoud kita’ng nahigugma sa Diyos, kung tinoud kitang nangita sa Diyos, og kung tinoud kitang nagsalig sa Diyos, moalagad kita kaniya diha sa atong isig katawo, in season or out of season matud pa ni San Pablo.
Mga kaigsoonan ko diha ni Kristo ang kaluwasan nakasulod sa kalibutan pinaagi sa tando, sa YES ni Maria ug tungod niining maong YES, natawo si Jesus, naluwas ang kalibutan. Yearning, Entrusting, Serving… Mao kini ang karakter sa Mahal nga Birhen, mao usab kini ang karakter nga atong pagapuy-an.
Ang hagit natong tanan niining atong pagsugat sa Bag-ong tuig, nga sama ni Maria makusganon kita mobungat sa atong YES ngadto sa Diyos. Kitang tanan YES to God.
Ug hinaut niining atong YES karon, mahimugso pagbalik si Jesus diri sa atong taliwala.
Bulahang Bag-ong Tuig kaninyong tanan. Amen
